г. Олонец, ул. Карла Маркса, 10
Часы работы
Понедельник
08:00 — 16:00
Вторник
08:00 — 16:00
Среда
08:00 — 16:00
Четверг
08:00 — 16:00
Пятница
08:00 — 15:00
Суббота
выходной
Воскресенье
выходной

PÄČČI

10 июля 2024
Igor' Georgijevskoin fotokuva

Joga kois da joga kyläs

Päčči piälimäine on.

Vaiku kodiseinät nostah,

Päččiniekku ruavos on.

Hyväs päčis lämmiä äijy,

Emändäle avvuttau.

Huondeksel ku puat häi pannou —

Murginassah havvottau.

Päčin avul eli pereh,

Omua piädy syötteli.

Midä oli mečäs suadu,

Keitti päčči, kuivaili.

Joves, järves tuovut kalat

Riehtilälgo pandaneh.

A ku kel himoitti maimua —

Päčin maimu kuivaine.

Kalas, maijos hyvä duuhu,

Joga pertih tungevuu.

Emändäine kaikil muhiu,

Ruskieh roža hallennuh.

Taloin syväin, abuniekku,

Konzu kylmähtättös kai,

Omal lämmöl lieččiy terväh,

Nouze päčin piäle vai.

Vahnat buabat, lapset pienet,

Päčin piäl vai istutah.

Omii suarnoi, eläimyksii

Vahnat nuoril kerrotah.

Ogrodas, ku sualis suadu,

Päčin rinnal karzin ruadau.

Nagris magei padazes,

Syögiä, lapset, juodazes.

Pyhänpiängi päčči lämmäs,

Jogo hyvin nouzi tahtas?

Marjupiiruat, dročonat,

Kalitat da sulčinat.

Vuvvet mennäh ylen terväh,

Lapset kazvetah i mennäh

Kaikin omil dorogoil,

Vaiku mustos heijän roih

Tämä päčči, oma, lämmy,

Kudai piiraidu on tävvy.

Syväimes se ainos roih,

Uardeh kaikis hinnatoi.

Anna USOVA

Написать комментарий